ԲԵՆԶԻՆԸ ՆՈՐԻՑ ԹԱՆԿԱՆՈՒՄ Է
ԲԵՆԶԻՆԸ ՆՈՐԻՑ ԹԱՆԿԱՆՈՒՄ Է

Հրապարակը գրում է, որ Հայաստանում բենզինն ու դիզվառելիքը նորից սկսել են թանկանալ: Մարտ-ապրիլ ամիսներին բենզինի գները որոշակի անկում գրանցեցին` 1 լիտրի հաշվով հասնելով ընդհուպ 270-280 դրամի: Դիզելն էլ 300-ի սահմաններում էր:
Փաշինյանն արդեն երկու տարի է` վարչապետ է, ու նրա` իշխանության գալուց հետո բենզինը մի բան էլ թանկացել էր` էժանանալու փոխարեն: Իսկ վերջին ամիսների գնանկումը ընդամենը աշխարհում նավթի գների իջեցմամբ էր պայմանավորված:
Հիմա նորից սկսել է թանկանալ բենզինը: Այսօր լցակայաններում ռեգուլյար տեսակի բենզինն արդեն 310-320 դրամով է վաճառվում, պրեմիումը` 320-330:
Եվ սա ոչ ոք չի կապում Նիկոլ Փաշինյանի կառավարության գրանցած հեղափոխական հաջողությունների հետ:
Բայց սա միակ անակնկալը չէ վարորդներին: Հուլիսի կեսերից գազալցակայաններում թանկացել է նաև գազը: Որոշ տեղերում ուղիղ թանկացում է տեղի ունեցել` 10-20 դրամով, իսկ որոշ լցակայաններում էլ սեփականատերերը մեքենայությունների են դիմել` գինը պահել են նույնը, սակայն քաշի մեջ են խաբում: Նույն արժեքի չափ լիցքավորած գազով արդեն ավելի քիչ տարածություն ես անցնում:

Copyright © 2020 Arm-Radio Team. All rights reserved.

Copyright © 2020 Arm-Radio Team. All rights reserved.